mera est appelé premiere matiere, qui est ceste moyenne substance[1] avec laquelle nous incalcinons nos menstruës, avec cetuy-là nous faisons une infinité de particuliers. Et est la pierre mineralle. Or mon fils avec infinis moyens vous pouvez pratiquer l’un & l’autre mercure, comme dit Raymond Lulle. Et si cetuy mineral n’est reduit en premiere matiere avec l’eau vegetable ou animalle, il est impossible de faire de lui quelque chose de bon pour la grande composition qui est en luy, comme vous le cognoistrez en le pratiquant comme dessus est enseigné. Or voulant fixer, c’est à dire achever de le decuire il faut avoir un vaisseau, comme celuy que je vous ay enseigné en la rubification du soulphre, & en iceluy le sublimerez, & ce qui sublimera le mettrez bas tant qu’il demeure fixé au fond en forme cristalline blanche & transparante, de laquelle en mettant sur une lame chaude il fluera comme cire, & penetrera la lame, & d’iceluy vous en travaillerez en vos particuliers, comme nous vous avons monstré cy dessus. D’avantage si vous inserez ceste premiere matière, ainsi decuitte
- ↑ Nota. La pierre minerale.
