premiere de se souvenir que chacun peut donner si bon luy semble cette signification à ces mots pour son usage particulier, qu’il n’a aucun droit d’obliger les autres de les prendre de cette sorte, et encore moins de se plaindre de ceux qui les auroient pris d’une autre maniere avant mesme qu’on les en eust avertys.
La seconde que ce seroit un pur sophisme de combattre les autres par cette signification particuliere qui luy est propre, et qu’ils ne connoissent point ; car ce seroit a peu pres la mesme chose que si un geomestre grec entendoit dire a un prestre grec, que la Table d’or, ou on mettoit les pains de proposition qu’il appelleroit Trapeze, estoit quarrée, le traitoit de ridicule pour ne sçavoir pas qu’un Trapeze ne sçauroit estre quarré.
La 3.e Que toutes les differences arbitraires qu’il luy plaira mestre entre les mots de sens et de dogme, ne sçauroient empescher qu’il ne soit plus clair que le jour, que nul homme raisonnable ne sçauroit juger par luy mesme que le sens de Jansenius est heretique, qu’il ne conçoive quelque chose en particulier de quelque nom qu’on l’appelle. Dogme, doctrine, opinion, sentiment, qu’il croye estre le sens de Jansenius, et qui luy paroisse heretique : Et cela estant je soutiens comme il a esté dit plusieurs fois, et comme on ne le sçauroit trop repeter que ces[sic] precisement a cause de cette opinion conceüe en particulier, qu’on juge que le sentiment de Jansenius est heretique, et non a cause qu’il est sens de Jansenius, et sur une telle matiere, & dans une telle page, puisque l’esprit ne trouve rien dans les idées de sens de Jansenius sur une telle matiere et dans une telle page, lorsqu’il ne conçoit que cela, de quoy asservir un jugement qui le luy fasse regarder comme heretique, mais qu’il le trouve seulement dans la chose en particulier, qui a esté enseignée par Jansenius, qui est ce que j’ay toujours appellé un tel dogme en particulier ; et ainsy ce que j’ay entendu par ce mot de dogme est si claire qu’il n’y a pour rien au monde de plus inutile que la remarque de l’hautheur de la response touchant sa difference pretendue entre les mots de sens ; et de dogme, qu’il s’est imaginé estre d’une extresme importance, puisque laissant la ce mot de dogme, et y substituant celuy de sentiment, ou d’opinion a tout autre que l’on voudra qui signifie ce que j’ay voulu établir par les trois premieres maximes.
Petition de principe, en ce qu’on suppose partout sans le prouver nulle part, au moins a dessein, ce qui fait
