LA VIE D'ESOPE
EXTRAITE DE VOLATERRAN
ET AUTRES AUTHEURS
DE NOUVEAU CORRIGÉE ET AUGMENTEE
SUYVANT LE GREC
��ESOPE fut du pais de Phrygie, et esloit de serve condition, et naturellement laid et difforme de corps; mais Nature, en recompense de telle diffor- mité, luy donna un don singulier: c'est qu'il fut fin, caut et plaisant en parolles. Or advint un jour qu'il fut envoyé aux champs pour labourer; et, estant accusé de la part des autres serviteurs d'avoir mangé des figues, lesquelles on gardoit pour leur seigneur, il monstra le contraire, car soudain il print de l'eau chaude, laquelle il beut, et ce faict incontinent vomit: dont on congnut son innocence. Mais les autres ser- viteurs qui i'accusoyent, estans contraints boire semblablement d'eau chaude, vomirent les figues. Le jour suyvant, comme il labouroit, certains prestres de Diane, qui s'estoyent forvoyés du chemin, le prièrent, au nom de Jupiter le Charitable, qu'il leur monstrast le droict chemin pour aller à la ville. Esope alors,
�� �
