l6o FABLES D'ESOPE
Monte dessus f et tous deux vont après Le Cerf cornu, le suyvant de si prés Qu'ilz l'ont saisy. Le Cheval, glorieux D'avoir esté du Cerf victorieux, Rend grace à l'homme et le prie descendre De dessus luy; mais il n'y veult entendre, Ains luy respond que soubz luy demourra Et que de l'homme au service mourra; Puisqu'il s'estoit mis dessoubz sa puissance, Falloit par force y faire obéissance.
En pareil cas, plusieurs en liberté Veullent combatre et nuyre à pauvreté, Et pour la vaincre Hz amassent richesses, Thresors mondains, par frauldes et finesses. Dont il advient que, par force d'escus Estans victeurs, Hz demeurent vaincus D'ung cruel monstre et tresdamnable vice Qui est nommé famelicque avarice.
��Clin
�� �
