» Item, aucunes fois pronostiquent-ils aucune chose à venir pour longtemps après, ou ils les prononcent par manière de truffes, sans trop affirmer, afin que, s’il n’avenoit ainsi, qu’il soit oublié et que l’en ne s’enpuist prendre garde ; et s’il avient ilz le ramentoivent[1] et s’en donnent grant pris...
» Item, souvent aucuns que, quant leur malice ou leur misère est cogneue en un lieu, ilz se transportent en l’autre, et quièrent aucuns qui les loent et qui magnifient leur science.
» Item, ilz sentent que, quant un homme est enclin à croire mal d’une certaine personne, ilz y font aucunes fois avenir fausse suspecion de mal sur tèle personne, et diert par leurs divinements, si comme ils faignent : Il a emblé[2] tèle chose ou fait tèle traïson. Par quov il s’ensuit hayne ou pugnicion ou aucun grant inconvénient.
» Item, ilz font faulsement accroire et donnent à entendre faulsement aux seigneurs que, par tels ars, sont pluseurs personnes venues à grans estaz, à grans prospéritez, et leur recommandent telles sciences. Et aucunes fois, les princes croient qu’ilz cuident qu’ilz soient de aussi noble nature comme ilz mesmes sont, et si[3] ilz sont aisiez à décevoir en leur bonne simplesce...
» Item, ils enquièrent aucunes fois secrètement de l’estât des personnes et des choses célées, et puis [ce] qu’ils scèvent par ouï-dire ou qu’ils présument par conjecture humaine, ilz font semblant de le deviner par leur science. Et cecy ay veu et sceu d’aucuns...
» Item, ils dient que le Ciel muet[4] la personne à faire ou adjouster la question. Et bien est vérité que, aucune fois, ilz sont meus à ce, de l’inclinacion que le Ciel et nature leur a piéçà[5] donnée ; tout aussi, et non autrement que un homme est enclin naturelment de soy combatre folement à chascun. Mais se il y a sa voulenté pluseurs fois, se avient-il communéement que il lui meschiet en la fin.
» Item, aucuîies fois sont-ils meuz à ce de foie oppinion qu’ilz ont acquise, par mauvaise doctrine, selon tèles responses. Aussi comme un qui ne scet rien de médecine et est guéri d’une maladie deux fois ou trois fois par une chose ; et quant semblable maladie retourne par autre cause, il cuide guérir par tèle chose comme
