en ses trétiez[1], de cercle célestial et del movement del firmament, espont et monstre par quèles manières de movemenz li cercle atrait les affecz[2] et les talenz des choses, et destorne les faiz et ordène les fortunes.
» Et Ptholemeus, qui plus estudia profondément et soutilla[3] plus que philosophes de son tens, di que li affect des choses ont lor commencement des estoiles en tèle manière que les substances et li cors de cà-desouz de ceste monde respondent as souraines natures par le ivel[4] consonance par quoi il se acordent ensemble. Dont, si cum il est dit el commencement del livre qui a nom Atalacym[5], la force des étoiles, qui est en èles deumement[6] assise, s’en entre et se assemble plus tost et plus prestement ès choses qui plus lor sunt prochiènes, et plus semblables à ce qui apartient à l’âme, second[7] le aptitude et la habileté de la matire et second ce que èles poent recevoir des manières des formes.
» Et ce poons nos apercevoir que li cors célestials et les estoiles ont eu èles la cause et le naissement, assis deumement, par quoi il movent généralmnt toutes les choses qui sont desouz èles.
» Et cist movemenz est en II manières. L’une que, les choses qui n’ont âme, ils gardent et norrisent en l’estât où èles sont faites et concriées. L’autre par qu’il governent et atemprent[8] l’engendreure des cors qui ont âme et le procès de génération par l’affinité et par la voisinance qu’il ont à èles. » Et porce que apartient à autre spéculation à veair et à regarder la convinction[9] de la force qui est en eaus assise par vertu divine, cornent èle est tresportée ès cors çà-desouz, nos ne entendons ore[10] à mostrer fors ce qui apartient à nos, c’est-à-dire le effect et la diverse fiance que li cors célestial font ès choses cà-desouz par quoi nos puissons rendre certains jugemenz
- ↑ traitiez = traités.
- ↑ affecz = affections, propriétés.
- ↑ soutilla = médita avec subtilité.
- ↑ ivel = égal.
- ↑ Nous avons entendu Masciallah, le Libert de elementis et Albert le Grand nous parler du livre intitulé Altasamec, Atalasimet, Atalasimec. Nous avons vu que ce livre était certainement celui des anciens astrologues, παλα οἱ ἀποτελεσματικοὶ,, auxquel Théon d’Alexandrie attribue l’hypothèse de l’accès et du recès. (Voir : Première partie, ch. XIII, § III, t. II, pp. 193-195 ; § IV, t. II, pp. 205-206 ; § VI, t. II, pp. 228-229.)
- ↑ deumement = dûment.
- ↑ second = selon (secundum).
- ↑ atemprent — tempèrent, modèrent.
- ↑ conviction = conjonction, liaison.
- ↑ ore = maintenant, à présent.
