Le texte de cette page a été corrigé et est conforme au fac-similé.
La teſte en l’eau : mais venir n’i ſeut onques,
L’vn de mes piés aus branches acroché :
Ainſi, fils, fille, & neutre donques,
Ie fus noyé, tué, branché.
L’ænigme de Cleobule.
n pere douze enfans porte,
Qui en ont trente chacun,
Tous de diferente ſorte,
Si l’vn eſt blanc, l’autre eſt brun.
On les voit tous vn à vn,
Iamais deus ni trois enſemble,
Et ſans qu’il en meure aucun,
Tous les iours meurent, ce ſemble.
Auertiſſement aus dames.
n amant, pour gaigner
Ce qu’il deſire,
Iure ſans épargner,
Promet, ſoupire.
Puis quand il a trouué
Qui le contente,
Et tantot abreué
Sa ſoif ardente,
Adieu la foi, adieu,
Au vent promeſſe,
