Le texte de cette page a été corrigé et est conforme au fac-similé.
Ainſi ma vie en dueil
Toute ſe tourne,
Quand, mon Soleil, ton œil
Ailleurs ſeiourne.
Plus ne voi que langueur :
Et mille doutes
Viénent glacer mon cueur
Sans raiſon toutes.
L’Aout à beau arriuer
Car, toi abſente,
Touiours ce triſte iuer
Faut que ie ſente.
Du 7.liu.des epigrammes Grecz.
Atin mes eſpris me volle,
Et de ſes yeus, peu à peu
Me fait fondre, comme au feu
S’écoule vne cire molle.
S’ell’ eſt brune, moins vaut-elle ?
Vn charbon eſt bien tout noir.
Mais quand il ard, ſemble à voir
L’œil d’vne roſe nouuelle.
Dudit liure, Imitation Grecque.
Ntre les léures de Catin
Vn moite baiſer ai emblé.