part, eſtonné s’enfuirent, craignẩt les effects d’vn tel prodige, mais comme ils eurent fait la vireuolte par trois fois le long du port, après qu’ils eurent jetté des cris ſi puiſſans de bruict qu’ils faiſoient retentit les montagnes des enuirons, ils ſe perdirét tous dedẩs ladite mer, & depuis l’on n’en a veu ny ſçeu aucune nouuelle.
Cecy à porté grand dommage à pluſieurs des Citoyens de Gennes, les vns qui en ſont morts de peur, comme entre autre le fils du ſieur Gaſparino de Loro, & auſſi le frere du ſignor Anthonio Bagatelo, & pluſieurs fémes auſſi en ont eſté affligez, & ont eu telle frayeur, qu’elles en ſont mortes. Depuis l’on a chanté le Tedeum, ils ſe font éuanouys.
Du depuis du long de la mer de Nice, & tout le coſté de Prouence, tant du coſté de la marine que du plain : c’eſt trouué auoir veu plouuoir du ſang naturel qui couroit & taſchoit de rougir les fueilles & fruicts des arbres. A Toulon la plus part des maiſons ſur le couuert eſtoit taché dudit ſang, le paué &
