eſtoit en forme de dragon.
Depuis le premier iour dudit mois, ils ont eſté ordinairement veus au grand eſtonnement de tous les Genneuois, la Seigneurie fit trainer quelques canons pour taſcher de les faire oſter de ce lieu, & leur fut tiré quelques huict cens coups de canon, mais en vain, car ils ne s’en eſtonnerent nullement. Les Egliſes s’aſſemblerent, & allant au vray remede firent force proceſſions, commanderent le ieuſne, les bons peres Capucins ordonnerét les quarante heures pour taſcher d’appaiſer l’ire de Dieu, auec leur ſalutaire remede.
Le quinzieſme Aouſt aparut ſur ladite mer proche du port de Génes, trois caroſſes traînant chacune par ſix figures, toutes en feu, ſemblance de dragon, & marchoiét leſdites caroſſes, l’vne à l’opoſite de l’autre, & eſtoient leſdites caroſſes trainées par leſdits ſignes qui auoient touſiours leurs ſerpens, en continuant leurs cris eſpouuentables : & s’aprochoient aſſez prés de Gennes, tellemét que les ſpectateurs, du moins la plus grand
