vouloir appaiſer ſa iuſte colere, à celle fin que les malheurs qui nous ſont preparez par ſa iuſtice, ſoient détournez & chaſſez loin de nous par ſa ſainte miſericorde.
Au commencement du mois d’Aouſt de l’an mil ſix cens huict, ſur la mer de Gennes, c’eſt veu les plus horribles ſignes que de mémoire d’hommes ait eſté parlé ny eſcrit, les vns eſtoient en figures humaines, ayant des bras qu’ils ſembloient eſtre couuers d’eſcailles, & tenoiét en chacune de leur main deux horribles Serpens volans, qui leur entortilloient les bras, & ne paroiſſoient que depuis le nombril, en haut hors de la mer, & jettoient des cris ſi horribles, que c’eſtoit choſe du tout épouuentable, & par fois ſe plongeoient dans la mer, puis reſortoiét en d’autres endroits loin de là, hurloient des cris ſi eſpouuentables que pluſieurs en ont eſté malades de la peur qu’ils en ont euë, il y en auoit qui ſembloiét eſtre en figures de femmes : d’autres auoient le corps comme corp humains tout couuert d’eſcailles, mais la teſte
