Cette page a été validée par deux contributeurs.
noirs, obſcurcis ſentant comme le ſalpettre & apres que l’air fut purifié, ne fut rien veu de toutes ces chemeries leſquelles furent eſuanouyes.
Ces prodiges eſmerueillables ont touché l’ame de pluſieurs Chreſtiens, leſquels ayant conſideré les merueilles de ce grand Dieu, & cognoiſſant qu’il eſt ſeul puiſſant, & que par ſa bonté infinie il nous veut aduertir auant que de nous enuoyer les chaſtimens qu’il nous eſt deu, ſe ſont les vns rendus religieux, les autres font penitéce, pour appaiſer l’ire de Dieu. Le ſainct Eſprit leur aſſiſte à ceſte bonne volonté. Ainſi ſoit-il.
