Ki divers cuntes vuelt traitier,
diversement deit comencier
e parler si raisnablement
que il seit plaisible a la gent.
5 Ici comencerai Milun
e musterrai par brief sermun
pur quei e coment fu trovez
li lais ki issi est numez.
Milun fu de Suhtwales nez.
10 Puis le jur qu’il fu adubez
ne trova un sul chevalier
ki l’abatist de sun destrier.
[Bl. 166c] Mult par esteit bons chevaliers,
frans e hardiz, curteis e fiers.
15 Mult fu coneüz en Irlande
e en Norweie e en Guhtlande ;
en Loengres e en Albanie
ourent plusur de lui envie.
Pur sa pruesce ert mult amez
3 S passer — 7 S mostrez — 8 H ki ci (—1), S qui ici — 14 H francs hardiz (—1) ; S preuz e cortois e bons — 15 H Amez fu (+1), S Molt fu ; S Illande — 16 H en Norweie (—1), S e en Noruoie ; S e en Hollande — 17 H en Loengre, S en Logres
1 H cunte, S contes ; ueut — 3 rainablement — 4 kil ; H pleisibles, S plesibles — 6 musterai — 10 kil — 13 Mut — 14 francs — 15 conuz — 18 eurent plusurs ; li — 19 iert mut
