pur quei levot e u ala.
’Sire’, la dame li respunt,
’il nen a joie en icest mund,
85 ki n’ot le laüstic chanter ;
pur ceo me vois ici ester.
Tant dulcement l’i oi la nuit
que mult me semble grant deduit ;
tant m’en delit e tant le vueil
90 que jeo ne puis dormir de l’ueil’
Quant li sire ot que ele dist,
d’ire e de maltalent en rist.
D’une chose se purpensa :
le laüstic engignera.
95 U n’ot vaslet en sa maisun
ne face engin, reiz u laçun ;
puis les metent par le vergier.
N’i ot coldre ne chastaignier
u il ne metent laz u glu,
100 tant que pris l’unt e retenu.
Quant le laüstic orent pris,
al seignur fu renduz tuz vis.
[Bl. 166a] Mult en fu liez, quant il le tint.
As chambres a la dame vint.
105 ’Dame’, fet il, ’u estes vus ?
Venez avant ! Parlez a nus !
J’ai le laüstic engignié,
pur quei vus avez tant veillié.
Des or poëz gisir en pais ;
110 il ne vus esveillera mais ! ’
Quant la dame l’a entendu,
dolente e cureçuse fu.
A sun seignur l’a demandé,
84 H cest (—1) — 85 H nen ot — 87 H le oi — 89 H me delit — 92 H de fehlt (—1) — 94 H que le — 104 H a fehlt (—1) — 107 H englue
84 ad — 87 ducement — 88 mut — 89 uoil — 90 oil — 91 sires — 92 de ire — 93 De une — 94 enginnera — 95 uallet ; meisun — 96 reis ; larcun — 97 mettent — 98 codre ; chastainier — 99 mettent — 100 prise — 101 eurent — 102 rendu tut — 103 Mut ; tient : uient — 107 leo ai — 108 ueille — 109 Desore ; peis — 110 esueillerat meis — 111 lad — 113 lad
