La pucele entra el palais ;
unkes si bele n’i vint mais.
Devant le rei est descendue,
620 si que de tuz fu bien veüe.
Sun mantel a laissié chaeir,
que mielz la peüssent veeir.
Li reis, ki mult fu enseigniez,
s’est tost encuntre li dresciez,
625 e tuit li altre l’enurerent,
de li servir mult se penerent.
Quant il l’orent bien esguardee
e sa bealté assez loëe,
ele parla en tel mesure,
630 kar de demurer nen ot cure.
’Artur’, fet ele, ’entent a mei,
e cist barun que jeo ci vei !
Jeo ai amé un tuen vassal.
Veez le ci ! Ceo est Lanval !
635 Achaisunez fu en ta curt,
ne vueil mie qu’a mal li turt,
de ceo qu’il dist. Ceo saces tu
que la reïne a tort eü :
unkes nul jur ne la requist,
640 De la vantance que il fist,
se par mei puet estre aquitez,
par voz baruns seit delivrez ! ’
617 H dame (—1) ; H al, P v, CS el — 618 HC vnc (—1) (C ni entra) — 620 H iert, CP fu, S est ; H uenue — 622 C ke meuz la puisse hom V., P que mix puisseut son cors v., S que tuit la puissent miex veoir — 624 HP il sest, C sest tout, S sest tost ; C cuntre (—1) — 625 P se leuerent — 626 P de li s. molt ; H se presenterent (+1) — 627 C Quant tuit lurent — 628 H forment — 630 CP naueit c. ; S car ele not de seior cure — 631—632 nur in S — 633 HCP Reis ieo ai (CP jai) — 634 H ici, CP la, S ci ; P segnor Lanval - 635 S est — 636 C curt — 637 S dit — 639 H vnc (—1) — 640 C Mes de la v.
618 uient — 621 ad ; cheir — 622 meuz ; puissent ueer — 623 que mut — 624 lui — 625 autre — 627 esgardee — 628 beaute — 629 teu — 631 S moi — 632 S ces barons ; ie ; voi — 635 Acheisune — 636 uuil ; que a — 637 sachez — 638 ad — 639 vnc — 640 ke — 641 si ; me peot — 642 deliuerez
