e dit que mult l’en set bon gre,
e se de ceo l’aseürast
que pur altre ne la laissast,
hastivement purchacereit
240 a sun seignur que morz sereit ;
legier sereit a purchacier,
pur ceo qu’il l’en volsist aidier.
Il li respunt que si fera ;
ja cele rien ne li dirra,
245 que il ne face a sun poeir,
turt a folie u a saveir.
[Bl. 148b]’Sire’, fet ele,’se vus plest,
venez chacier en la forest
en la cuntree u jeo sujur.
250 Dedenz le chastel mun seignur
sujurnez ; si serez saigniez,
e al tierz jur si vus baigniez.
Mis sire od vus se saignera
e avuec vus se baignera.
255 Dites li bien, nel laissiez mie,
que il vus tienge cumpaignie !
E jeo ferai les bains temprer
e les dous cuves aporter.
Sun bain ferai chalt e buillant ;
260 suz ciel nen a hume vivant,
236 mut — 237 si — 238 autre ; lessast — 240 mort — 242 kil ; uousist — 243 ferat — 244 dirrat — 247 si — 248 chacer — 251 seignez — 252 terz ; baignez — 253 sires — 255 lessez — 256 cumpainie — 258 deus — 259 chaut — 260 nad humme