Guigemar aime durement :
u il avra hastif sucurs,
u li estuet vivre a reburs.
Amurs li dune hardement :
500 il li descuevre sun talent.
’Dame’, fet il, ’jeo muere pur vus ;
mis quers en est mult anguissus.
Se vus ne me volez guarir,
dunc m’estuet il en fin murir.
505 Jo vus requier de druërie :
bele, ne m’escundites mie ! ’
Quant ele l’a bien entendu,
avenantment a respundu.
Tut en riant li dit : ’Amis,
510 cist cunseilz sereit trop hastis,
d’otreier vus ceste preiere ;
jeo ne sui mie custumiere.’
’Dame’, fet il,’pur deu merci,
ne vus ennuit, se jol vus di !
515 Femme jolive de mestier
se deit lunc tens faire preier,
pur sei cherir, que cil ne quit
que ele ait usé cel deduit.
[Bl. 143c] Mes la dame de bon purpens,
520 ki en sei ait valur ne sens,
497 auerat — 498 estcot — 499 Amur — 500 descoure — 501 meorc — 502 quors ; mut — 503 Si — 505 requeor — 506 me escundiez, S mescondites, P mescondiscies — 507 lat — 508 auenaument ad — 510 cest cunseil — 511 de otrier ; priere — 512 acustumere — 514 ennoit si — 517 cherier — 518 eit usee — 520 eit