Li chevaliers fu remés sous.
Pensis esteit e anguissous ;
395 ne set uncore que ceo deit ;
mes nepurquant bien s’aparceit :
se par la dame n’est guariz,
de la mort est seürs e fiz.
’A las ! ’fet il, quel le ferai ?
400 Irai a li, si li dirai
que ele ait merci e pitié
de cest chaitif descunseillié.
S’ele refuse ma preiere
e tant seit orgoilluse e fiere,
405 dune m’estuet il a doel murir
u de cest mal tuz jurs languir.’
Lors suspira ; en poi de tens
li est venuz novels purpens,
e dit que sufrir li estoet ;
410 kar issi fait ki mielz ne poet.
Tute la nuit a si veillié
e suspire e travaillié ;
en sun quer alot recordant
les paroles e le semblant,
415 les uiz vairs e la bele buche,
dunt la dolçurs al quer li tuche.
Entre ses denz merci li crie ;
pur poi ne l’apele s’amie.
393 cheualer ; remis, P remes ; suls, P sous — 394 Pensif ; anguissus — 395 seit — 397 si ; gariz — 399 Allas — 401 eit ; pite — 402 cheitif descunseille — 403 Si ele ; priere — 405 HSP dunt — 407 suspirat — 408 uenu nouel — 409 suffrir — 410 qui — 411 ad ; ueille — 412 trauaille — 413 queor — 415 oilz — 416 quor — 418 apelet sa amie