que il aveit eage e sens,
li reis l’adube richement ;
armes li dune a sun talent.
Guigemar se part de la curt ;
50 mult i dona ainz qu’il s’en turt.
En Flandres vait pur sun pris querre :
la out tuz jurs estrif e guerre.
En Lohereigne n’en Burguigne
ne en Anjou ne en Gascuigne
55 a cel tens ne pout hom truver
si bon chevalier ne sun per.
De tant i out mespris nature
que unc de nule amur n’out cure.
Suz ciel n’out dame ne pucele,
60 ki tant par fust noble ne bele,
se il d’amer la requeïst,
que volentiers nel retenist.
Plusurs l’en requistrent suvent,
mais il n’aveit de ceo talent ;
65 nuls ne se pout aparceveir
que il volsist amur aveir.
Pur ceo le tienent a peri
e li estrange e si ami.
En la flur de sun meillur pris
70 s’en vait li ber en sun païs
[Bl. 140a] veeir sun pere e sun seignur,
46 kil — 47 le adube — 48 dunez — 50 kil — 51 Flaundres ; quere — 52 iurz — 53 Lorreine ne ou Burguine — 54 Angoue ; Gascuine — 58 ke ; nul, SP nule — 61 de amer — 62 ke — 66 kil — 71 veer