Cette page a été validée par deux contributeurs.
| 1 |
DIANE.
PREMIÈRES AMOURS
DE PH. DES PORTES.
LIVRE PREMIER.
SONNET I.
e vous offre ces vers qu’Amour m’a faict eſcrire,
De vos yeux ſes flambeaux ardemment agité,
Non pour ſacrer ma peine à l’immortalité :
Car à ſi hault loyer ma ieunesse n’aſpire.
C’eſt le but de mes vœux, que ie vous face lire
Le variable eſtat de ma captiuité,
Celebrant vos honneurs ſi ie ſuis bien traitté,
Accuſant vos rigueurs ſi ie sens du martyre.
Ie n’agrandiray point, riche d’inuentions,
Vos beautez, vos dédains, ma foy, mes paſſions,
Il suffira qu’au vray mon crayon ſe rapporte.
Et puis ie n’eſcry pas pour gloire en acquerir,
Ains plustoſt je m’escrie au mal qui me tranſporte,
Ainſi qu’vn patient qui languît ſans mourir.
