Le texte de cette page a été corrigé et est conforme au fac-similé.
Force et pouoir puist avoir a son chois,
Tant qu’apaisier puist son pais et terre ;
Prions en tuit, crions a haulte voix :
Or lui doint Dieux bien achever sa guerre !
CLXIX
Balade[1].
(Sur Paris.)
[1394.]
Quant j’ay la terre et mer avironnée,
Et visité en chascune partie
Jherusalem, Egipte et Galilée,
Alixandre, Damas et la Surie,
Babiloine, le Caire et Tartarie,
Et touz les pors qui y sont,
Les espices et succres qui s’i font,
Les fins draps d’or et soye du pays.
Valent trop mieulx ce que les François ont :
Riens ne se puet comparer a Paris.
C’est la cité sur toutes couronnée,
Fonteine et puis de sens et de clergie,
Sur le fleuve de Saine située :
Vignes, bois a, terres et praerie.
De touz les biens de ceste mortel vie
A plus qu’autres citez n’ont ;
- ↑ Publiée par Crapelet, p. 24.
