P R E F A C E.
pourront aisement remarquer : ie diray seulement, que pour avoir voulu corriger le premier mot de la premiere periode, il luy a donné un tour qui en defigure un peu le commencement. En effet à considérer ce Traitté comme un Livre à part, & détaché de tout autre, ce qu’a mis Monsieur Descartes à l'entrée, semble n’avoir point de sens ; & c'est ce qui a trompé Monsieur Schuyl, & qui l’a porté à en changer le Frontispice ; Mais s’il eust sceut que ce Traitté n’est qu’vue suitte du Livre dont il parle dans sa Methode, & que l’original que i'ay, & que ie feray voir quand on voudra, a pour titre Chapitre 18. il se seroit empesché de le corriger.
Ce Livre-là mesme a aussi depuis peu esté mis en lumiere à mon insceu, avec ce titre, Le Monde de Monsieur Descartes, ou le Traitté de la Lumiere ; On s’est aussi trop précipité à l’imprimer ; Et si celuy qui l’a mis entre les mains du Libraire eust voulu avoir un peu de patience, & retenir le zele qu’il a témoigné avoir pour le bien du public, ie l’aurois contenté dans cette impression mesme, où mon dessein avoit esté de le ioindre ; & luy aurois donné une plus belle forme, des Figures mieux faittes, & un texte plus fidele, ce que ie pourray faire quelque iour.
Cependant le loüe le zele de l’un & de l’autre, & quoy qu'ils soient tombez tous deux en quelques fautes, elles ont sans doute bien pardonnables, puis qu’elles ont un si beau motif. le suis moy-mesme aussi en partie cause de celles de Monsieur Schuyl ; Et comme il dit fort bien dans sa Preface, i'ay esté un de ceux qui l’ont sollicité de travailler à cet Ouvrage : Car ayant appris qu’il avoit
