qui a rendu cette peau aſſez dure, c’eſt que d’vn coſté pluſieurs des parties du ſang qui ſe dilatoit dans le cœur, ont penetré tout au trauers de ſa chair, & ſe ſont aſſemblées entre luy & le pericarde, ſans pouuoir paſſer plus outre, à cauſe que de l’autre coſté il eſt 5 ſorty auſſi pluſieurs vapeurs du ſang contenu dans les poulmons, à meſure qu’ils ont commencé à croiſtre, leſquelles ſe ſont aſſemblées entre le meſme pericarde & les coſtes ; & ainſi ces vapeurs le preſſant de part & d’autre, ont rendu ſes fibres aſſez dures, & ſont cauſe 10 qu’il y a touſiours quelque eſpace, entre luy & le cœur, qui n’eſt remply que de ces vapeurs ; vne partie deſquelles y eſt condenſée en forme d’eau, & l’autre y demeure en forme d’air.
15
