Page:Descartes - Œuvres, éd. Adam et Tannery, VI.djvu/247

choſes qui appartienent a la Geométrie : car ceux qui font vn peu verſés en cete ſcience les pourront aſſés entendre d’eux meſmes, & ie me perſuade que les autres fe|ront plus ayſes de m’en croire, que d’auoir 5 la peine de les lire. Au reſte, affin que tout ſe face par ordre, ie voudrois, premierement, qu’on s’exerçaſt a polir des verres, plats d’vn coſté & conuexes de l’autre, qui euſſent la figure d’vne hyperbole dont les poins bruſlans fuſſent a deux ou trois pieds l’vn de 10 l’autre : car cete longeur eſt ſuffiſante pour vne lunete qui ſerue a voir aſſés parfaittement les obiets inacceſſibles. Puis ie voudrois qu’on fiſt des verres concaues de diuerſes figures, en les creuſant touſiours de plus en plus, iuſques a ce qu’on euſt trouué par 15 experience la iuſte figure de celuy qui rendroit cete lunete la plus parfaitte qu’il ſoit poſſible, & la mieux proportionnée a l’œil qui auroit a s’en ſeruir. Car vous ſçaués que ces verres doiuent eſtre vn peu plus concaues pour ceux qui ont la veuë courte que pour les 20 autres. Or, ayant ainvi trouué ce verre concaue, d’autant que le meſme peut ſeruir au meſme œil pour toute autre forte de lunetes, il n’eft plus befoin, pour les lunetes qui ſeruent a voir les obiets inacceſſibles, que de s’exercer a faire d’autres verres conuexes qui 25 doiuent eſtre poſés plus loin du concaue que le premier, & a en faire auſſy par degrés qui doiuent eſtre poſés de plus en plus loin, iuſques a la plus grande diftance qu’il fe pourra, & qui foient auffy plus grands a proportion. Mais notés que, d’autant que ces verres 30 conuexes doiuent eſtre poſés plus loin des concaues, & par conſequent auſſy de l’œil, d’autant doiuent ils