88 Œuvres de Descartes.
& qu'il conferuc le monde auec la mefme adion qu'il l'a créé. Car, tout ellant plein de corps, & neantmoins chaque partie Je la ma- tière tendant à fe mouuoir en ligne droite, il ert éuident que, dés le commencement que Dieu a créé la matière, non feulement il a meu diucrfement les parties, mais auffi qu'il les a faites de telle nature,
101 que les vnes ont dellors commencé à pouffer les | autres, & à leur communiquer vne partie de leur mouucment. Et pource qu'il les maintient encore auec la mefme action & les mefmes loix qu'// leur a fait obferuerç.n leur création, il faut qu'il conferue maintenant en elles toutes le mouuement qu'il j- a mis dejlors auec la propriété qu'il a donné à ce mouuement, de ne demeurer pas touf-jours attaché aux mefmes parties de la matière, & de paffer des vnes aux autres, félon leurs diuerfes rencontres. En forte que ce continuel changement qui clt dans les créatures, ne répugne en aucune façon à l'immutabilité qui elt en Dieu, & femble mefme feruir d'argument pour la prouuer.
43. En quoy confijie la force de chaque corps pour agir ou pour refijler.
Outi-e cela il faut remarquer... que la force dont vn corps agit contre vn autre corps ou refifte à fon adion, confifte en cela feul, que chaque chofe perfifte autant qu'elle peut à demeurer au mefme eftat où elle fe trouue, conformément à la première loy qui a elle ex- pofée cy-deffus ". De façon qu'vn corps qui eft joint à vn autre corps, a quelque force pour empefcher qu'il n'en foit feparé; & que, lors qu'il en eft feparé, il a quelque force pour empefcher qu'il ne luf foit joint; & auffi que, lors qu'il eft en repos, il a de la force pour de- meurer en ce repos &... pour refifter à tout ce qui pourroit le faire
102 changer. De mefme que, lors qu'il fe meut, | // a de la force pour continuer de fe mouuoir auec la mefme viteffe & vers le mefme cofté. Mais on doit juger de la quantité de cette force par la gran- deur du corps où elle eft, & de la fuperficie félon laquelle ce corps eft feparé d'vn autre, & auffi par la vitelfe du mouuement..., & les façons contraires dont plufieurs diuers corps fe rencontrent.
44. Que le mouuement n'eji pas contraire à vn autre mouuement, mais au repos; & la détermination d'vn mouuement vers vn co/ié, à fa déter- mination vers vn autre.
De plus, il faut remarquer qu'vn mouuement n'eft pas con- traire à vn autre mouuement plus vite que foy, & qu'il n'y a... de
a. Art. 37 ci-avant, p. 84.
�� �
