ſible. D’où l’excellence de la Methode paroiſt d’autant plus, puis qu’en des queſtions abſurdes elle fait découurir des abſurditez, qui eſt tout ce que l’on peut eſperer d’vne bonne Methode en pareil cas. Or qu’il ſoit abſurde que BE ſoit la plus longue ligne qui puiſſe 5 eſtre menée du point B iuſques au diametre, Monſieur Deſcartes le confeſſe par ſon Eſcrit, & il faut | qu’il auoüe de meſme que EB n’eſt pas la plus longue qui puiſſe eſtre menée du point E donné au diametre iuſques à la parabole, puiſque luy-meſme y mene EP, 10 plus longue que EB, le point E eftant au diametre, & le point P en la parabole, & ainſi EP eſt menée du point E donné au diametre iuſques à la parabole, à laquelle elle ſe termine au point P. Car quant à ce qu’il dit que cette ligne PE n’eſt pas tirée iuſques à la 15 parabole ſeulement, mais outre la parabole, cela eſt auſſi abſurde que de dire que le point P eſt outre la parabole, lequel toutefois eſt dans icelle, ainſi qu’vne infinité d’autres, plus & plus éloignez à l’infiny, auſquels on peut mener des lignes droites du point donné 20 E, leſquelles croiſtront touſiours, ſans que l’on puiſſe determiner la plus grande.
On pourroit par vne meſme abſurdité ſoûtenir que, d’vn point donné hors vn cercle dans le plan d’iceluy, la plus grande ligne que l’on puiſſe mener iuſques à 25 la circonference eſt la touchante, & ainſi donner vn dementy à Euclide, qui a demonſtré que cette plus grande eſt celle qui eſt menée du meſme point par le centre iuſques à la circonférence concaue ; de laquelle plus grande on pourroit dire, par la raiſon de 30 Monſieur Deſcartes, qu’elle n’eſt pas ſeulement menée
