8. Si la lumiere eſtoit eſtenduë comme vn baſton, ce ne ſeroit pas vn mouuement, mais vne ligne preſſante ; & ſi elle eſtoit vn mouuement qui ſe fiſt du Soleil à nous, ce ne ſeroit point en vn inſtant, veu que 5 tout mouuement ſe fait en temps ; elle ne ſe fera point auſſi en ligne droite, s’il faut qu’elle paſſe, comme le mouſt de la cuue, au trauers d’vn interualle plein de corps plus gros que cette matiere ſubtile qui la porte, & leſquels peuuent rompre la ligne droite par leur 10 agitation[1].
9. Puiſque l’Auteur fait profeſſion d’écrire methodiquement, clairement, & diſtinctement, il ſembloit conuenable qu’il monſtraſt quelle eſt cette matiere ſubtile qu’il preſupoſe[2] : car on demande auec raiſon, 15 premierement ſi elle eſt, 2(o) ſi elle eſt elementaire ou etherée, & ſi, eſtant elementaire, elle eſt propre ou commune à tous les elemens.
10. Si l’eau n’eſt liquide que pource que cette matiere ſubtile la rend telle[3], il s’enſuiura que la glace 20 ne ſe fondra pas pluſtoſt deuant le feu qu’ailleurs ; ou il faudra auoüer que c’eſt le feu, & non la matiere ſubtile qui la rend liquide.
11. On a de la peine à s’imaginer que l’eau ſoit de figure d’anguilles, & les raiſons qui en font données 25 page 163[4] du Liure des Metheores, & expliquées dans les Réponſes à Monſieur Fromont[5], ne font conclure autre chofe ſinon qu’il faut qu’elle ſoit gliſſante, &
