Vous m’auez fait plaiſir de me déduire tout au long vos difficultez ſur ce que ie vous auois mandé, & ie taſcheray d’y répondre ſuiuant le meſme ordre que 5 vous les propoſez. I’ay marqué auec des lettres A, B, C, les points auſquels ie répons, afin que vous les puiſſiez reuoir dans la lettre que vous m’auiez écrite.
Ie ſuppoſois ce que vous dites, que la ligne C D a paſſoit au trauers des deux planches ; et pour cela 10 i’auois mis le point D beaucoup plus bas que L, qui eſt celuy que ie faiſois rencontrer entre les deux planches.
Tout ce que ie vous auois écrit n’eftoit que pour le b verre concaue, afin de ne vous pas broüiller du 15 commencement ; mais ie ſuis bien aiſe que vous l’ayiez rapporté au conuexe, pour lequel toutesfois il faudra de beaucoup plus grandes machines.
Il eſt vray qu’il n’y faut point deux planches, s’il c vous eſt plus commode autrement, et ie ne les auois 20 laiſſées, que pour vous mieux faire entendre ma penſée. Toutesfois vous deuez remarquer que le tranchant P N O doit eſtre en vne ſuperficie parfaitement
