Un leon vout jadis reposer, e un sorice vient e le esveilla. Lors dit le leon al sorice : « A poy qe jeo ne te tue ! — Ceo serreit » fet l’antre « petit pruesce quant a vous. — Veire, » fet le leon « Va-t-en de ci : pardonee seit » ! Le sorice s’en va e le leon dormy. L’endemeyn tiel cas avynt que le leon fut pris en un fosse : vynt la sorice e le trova guaymentant et piteousement pleignant. Lors dit la sorice : « Vous me feistez curtesyc; e jeo vous saverai vostre vie ». Et assembla ses compaignons, et rongerent les cordez de la reye dont la fosse fust covert. e lui enseignerent comment deveit romper la corde et eschaper.
Auxint ert des grauntz seignurs, des prelatz et baillifs que ont mestrie en terre : si ils esparnient as autres tant com lur poer dure et lur baillye, par ceo serront aydez quant averont mestier.
