Ilz sont a court deux gens équipolé,
L’un a froumi et l’autre a ceraseron ;
Li froumi fait pourveance de blé
Pour son yver ou temps de la moisson:
Il vit espargnablement,
Et se gouverne en tous cas saigement :
Le temps futur a en sa remembrance,
Tant que nul jour ne sera indigent :
Qui saiges est face ainsi pourveance.
Le ceraseron par le temps de l’esté
Ne fera ja nulle provision :
Il vit aux champs, et quand s’est aosté,
Il se retrait en aucune maison,
Et au four communément
Et es foyers chante doubteusement,
A grand dangier quiert ilec sa substance;
Mais li fourmi se pourvoit cautement:
Qui saiges est face ainsi pourveance.
Tout l’esté chanta la cigale :
Et l'hyver elle eut la faimvale :
Demande à manger au fourmi :
Que fais-tu tout l’esté ? — Je chante.
— Il est hyver : dance faineante.
Appren des bestes mon ami.
