Cette page n’a pas encore été corrigée
<poem>
— 56 —
De me trouver aux batailles, Je ne veux ny dard ny mailles, N’escaille, ny corcelet, Mais un gentil gobelet, Un gobelet à double anse, Creux au fond, large la panse : Et puis me grave à l’entour Non des astres le retour, Ny leur charrette courriere, Ny l’estoile poussiniere, Ny d’Orion le cruel L’orage continuel : Qu’ay-je à faire des Hyades, Du Bouvier ou des Pléiades ? Taille-moy dessus le bor Une vigne aux raisins d’or, Et d’or un Bacchus qui pile Avec Amour & Bathyle, Patinans en un tonneau A beaux piez le vin nouveau.
(Rémi Belleau.)
A VULCAIN
Vulcan, en faveur de moy. Je te pri’, despeche-toy De me tourner une tasse, Qui de profondeur surpasse