— 31 —
<poem> Mais dy-moy, dy-moy, je te prie, A-t-il point fait nouvelle amie Depuis qu’il s’en alla d’ici, Ou s’il m’a tousjours en souci ’:
COLOMBELLE Plus tort les monts feront valees, Les rivières les eaux salees, Que, perfide, il manque de foy. Pour servir une autre que toy.
CASSANDRE Est-il possible qu’on te croye ?
COLOMBELLE Tu m’en croiras, car il m’envoye De Vendomois, & parmy l’air Jusques icy m’a fait voler Avec ces vers qu’au bec j’apporte; Et m’a dit, si je sais en sorte Que j’amolisse ta fierté Qu’il me donnera liberté. Mais pour cela je ne veux estre Ny libre, ne changer de maistre ; Car que me vaudroit de changer, Afin d’aller après manger Comme auparavant, es boccages, Des glands & des graines sauvages, Quand il m’esmie de sa main Tousjours à la table du pain.
