Cette page n’a pas encore été corrigée
— 21 —
Rose, l’honneur des fleurettes,
Du Printemps le cher soucy,
Et des Dieux les amourettes,
Et le parfum addoucy
De l’enfant de la Cyprine,
Quand par la troupe divine
Des Grâces il danse aussi.
Sus donc, Bacchus, qu’on m’appreste
Un tortis fait de ta main,
Et le mets dessus ma teste,
A fin que de roses plein
Dessous ta treille je chante,
Tenant sur moy languissante
La pucelle au large sein.
(Rémi Belleau.)
LA ROSE QUE LES DIEUX, etc.
La Rose que les Dieux
Des amours font produire
Enyvrons en vin vieux,
Pour au vin nous induire.
La Rose cramoysie.
Ayant fueille élégante,
Nous soit seule choisie
Pour coronne duisante.
