<poem>
— 140 —
Puis aussi tost Venus la belle
En trempoit la pointe cruelle
L’une après l’autre de doux miel,
Mais Amour les mouilloit de fiel :
Quand Mars revenant des alarmes,
Branlant une grand’ hache d’armes,
En se mocquant les efforçoit :
Lors Amour qui les amorçoit :
« Je te supply (dist-il), essaye
Si celle-cy feroit bien playe,
Et s’elle a bonne pesanteur
Pour traverser un brave cœur. »
Venus sourit & l’enfant tire,
Mars la receut, puis il soupire,
Disant : « Ell’ poise, oste-la moy. »
Lors Amour luy dict : « C’est pour toy »
(Rémi Belleau.)
ODE SUR LE MEME SUJET Le boiteux mary de Venus, Le maistre des Cyclopes nus, Rallumoit un jour les flamèches De sa forge, afin d’eschauffer Une grande masse de fer Pour en faire à l’Amour des flèches.
Venus les trempoit dans du miel, Amour les trempoit dans du fiel.
