au nom du maistre et du convent ; des quiex coins se doivent buller toutes les chartes des donacions qui se feront perpetuaus ou à vie par acort du convent soit à frere ou agent du siecle ou à autre gent d'iglise.
« Item, encore doivent estre bullées de ces coins toutes manieres de vendicions ou eschanges qui se feroient par conseil du convent et du maistre. C'est assavoir des possessions et des choses establies.
« Item, il est establi que de la meisme bulle fussetn bullées les chartes des reparacions et de toutes les baillies par chapitre general et toutes la repelacion des maisons qui auroient esté données à vie de frere par acort du maistre et du convent.
« Item, est establi que toutes manieres d'obligacions qui se feront par conseil do maistre et du convent et de composicions et de changes d'une possession à autre et de toutes manieres d'emprises et de toutes manieres de procuracions qui à riens puissent estre valables soient bullées de la dessus dite bulle.
« Item, encore fu establi que la dite bulle fust souz la bulle du maistre et en la garde du tresorier souz la bulle du grant comandour d'Acre et du mareschal et de l'ospitalier.
« Item, il est establi que, sur touz les faiz qui ne sont escripz en cest establiment, que la bulle du maistre que il a, sa en arrieres, eu soit de plon
