and entre les songes and visions diuines y a plusieurs degrez. Le premier degré de la Prophetie est la reuelation en songe de s'adonner à bien, and fuir le mal, ou pour euiter les mains des meschans, and alors cestuy-là sentira en son ame vn precepteur, qui le rendra sage, and aduisé (comme disent les Hebrieux) and de cestuycy l'escriture dict, que l'esprit de Dieu s'est reposé sur luy, ou bien que Dieu a esté auec luy. Le second degré de Prophetie: est quand quelcun aperçoit en veillant quelque chose, qui entre en son ame, qui le pousse à parler à la louange de Dieu, and de ses uures, comme on dict que Dauid alors composoit les Psalmes, Salomon les liures des Paraboles, qui contiennent les grands and beaux secrets, couuers d'allegories. Mais Dauid and Salomon, n'ont pas esté au degré de Iesaye, Hieremie, Nathan, and autres semblables, ainsi que les Hebrieux ont noté. Et toutes les fois qu'on list en l'escriture, que Dieu dist à Dauid, ou à Salomõ, les Hebrieux interpretent par le moyen des Prophetes, comme Gad, and Nathan, qui auoient les visions de Dieu pour les faire entendre à Dauid: comme Salomon, auquel fut enuoyé Haiah Silonite. Et mesmes ils tiennent que ce qui fut dict à Salomon, qu'il seroit le plus Sage and entendu qui fut oneques, ne fut pas vne vision, mais bien vn songe diuin. Aussi l'escriture dict, que Salomon s'esueillant, aperceut que c'estoit vn sõge: Et aussi quãd il est dit, que Dieu apparut à Salomon la seconde fois, ils disent, que ce n'estoit pas vision. Le troisiesme degré est quand l'esprit purisié, voit en songe quelque figure, soit hõme Page 99
ou beste, ou autre chose, and au mesme instant,
