Page:De la Démonomanie des Sorciers (1587).djvu/73

bien souuent, and que la plus forte sorcelerie prend vn beau voile de piete: il sera monstré par cy apres que l'inuocation des Diables (de laquelle les plus detestables Sorciers vsent à presens) est pleine d'oraisons, de ieusnes, de croix and d'hosties, que les Sorciers y employent. Et n'y a pas long temps qu'il y eut vne Sorciere à Blois, laquelle pour guarir vne femme qui estoit ensorcelee, languissante au lict, fist dire vne Messe du S. Esprit à minuict, en l'Eglise nostre Dame des Aides, and puis se coucha de son long sur la femme malade, en marmottant quelques mots, puis elle fut guarie. En quoy il appert que Sathan luy auoit appris ceste ceremonie, comme fist Helie le Prophete, quand il resuscita le fils de la vefue Sunamite par la puissance de Dieu: mais deux mois apres celle que la Sorciere auoit guarie, retomba malade, dont elle mourut, and la Sorciere enquise dict que elle auoit trop parlé, comme i'ay sçeu de Hardouyn, hoste du Lyon de Blois: Car elle auoit dict que la Sorciere qui l'auoit ensorcelee, auoit donné le sort à vn autre, qui est chose ordinaire à tous Sorciers, qui contrefont les medecins comme il sera dict cy apres. Et le protecteur des Sorciers, apres auoir mis les cercles, and caracteres detestables (que ie ne mettray point) pour trouuer les tresors, il escrit qu'il faut en fossoiant dire les Psalmes, De profundis, Deus misereatur nostri, and c. Pater noster, Aue Maria, and c. A porta inferi. Credo videre bona Domini, and c. Requiem æternam, and c. and lire la Messe: Et pour paruenir à quelque autre chose que ie ne mettray point, ils escriuent en quatre tableaux de Page 88