nuict il eut vision en dormant, comme il dict, qu'il voyoit son pere qui le benissoit. I'ay bien voulu reciter ces particularitez que i'ay sçeu d'vn tel personnage, pour faire entendre que l'association des malings esprits ne doibt pas estre trouuee estrãge, si les Anges and bons esprits ont telle societé, and intelligence auec les hommes. Mais quant à ce qu'il dict, que le bon Ange luy touchoit l'oreille, cela est bien noté au liure de Iob chap.4. and 36. and chap.33. and en Iesay c au chap.50. où il dict, Dominus vellicauit mihi aurem diluculò. Et Iob le dict encores mieux, descouurant le secret aux hommes entendus, par lequel Dieu se faict peu à peu congnoistre sensiblement. Ce que Virgile ayant apris des Iuifs l'accõmode à son suiet en ces mots, Cinthius aure (02) vellit and admonuit. Et quand à ce qu'il dict, qu'il oyoit frapper comme d'vn marteau, nous lisons que c'estoit la premiere marque de ceux à qui l'Ange vouloit cõmuniquer: car au liure des Iuges il est dir de Manoha, que l'Ange de Dieu cõmença à frapper deuant luy, cõme dict Rabi Dauid, où le mot Hebrieu [Hebrew omitted] signifie frapper, and sonner, du mot [Hebrew omitted], qui signifie tintinabulum, ou tabourin. Quand à ce qu'il dit que s'il pensoit quelque mal, l'esprit l'auertissoit, and le destournoit, il apert que les bõs and malins esprits sont vnis à ceux qui les ont en leur puissance, and sçauent toutes leurs pensees: à quoy se rapporte le dire de Salomon en l'Ecclesiaste où il defend de mal penser du Roy en son lit, car dit-il, les oiseaux du ciel le raporterõt: c'est à dire qu'il fautbie (02) se garder de mal pe (02) ser de Dieu en soymesme, afin [quae] (16) les esprits malins ne le raporte (02) t à Dieu, and en demãdent Page 78
la ve (02) geãce.
