Et quelquesfois quand il commençoit à louer Dieu de quelque Psalme, ou parler de ses merueilles, il se sentoit saisi de quelque force spirituelle, quiluy dõnoit courage. Et afin qu'il discernast le songe par inspiration d'auec les autres resueries, qui aduiennent quand on est mal disposé, ou qu'on est troublé d'esprit, il estoit eueillé de l'esprit, comme il disoit, sur les deux ou trois heures du matin, and vn peu apres il s'endormoit: alors il auoit les songes veritables de ce que il deuoit faire, ou croire, des doubtes qu'il auoit, ou de ce qui luy deuoit aduenir: En sorte que il dict que depuis ce temps là il ne luy est aduenu quasichose, qu'il n'en ayt eu aduertissement, ny doubte des choses qu'on doibt croire, dont il n'en ayt eu resolution. Vray est qu'il demandoit tous les iours à Dieu, qu'il luy enseignast sa volõté, sa loy, sa verité: Et employoit vn iour de la sepmaine, autre que le Dimanche (pour les desbauches qu'il disoit, qu'on faisoit ce iour la) pour lire en la Bible, and puis meditoit, and pensoit à ce qu'il auoit leu, puis apres il prenoit plaisir à louër Dieu, d'vn Psalme de louãge: and ne sortoit point de sa maison le iour qu'il festoyoit: neantmoins au surplus de toutes ses actions il estoit assez ioyeux, allegant à ce propos le passage de l'Escriture qui dict, Vidifacies sanctorum lætas: I'ay veu le visage des gens de bien gay. Mais si en compagnie il luy aduenoit de dire quelque mauuaise parole, and delaisser pour quelques iours à prier Dieu, il estoit aussi tost aduerty en dormant and menasse: and s'il auoit offensé il estoit chastié Page 75
and auerty pour quoy, il auoit le chastiment.
