comme il m'a dict, d'auoir des songes, and visions pleines d'instruction: and tãtost pour corriger vn vice, tantost vn autre, tantost pour se garder d'vn danger, tantost pour estre resolu d'vne difficulté, puis d'vne autre, non seulement des choses diuines, ains encores des choses humaines, and entre autres luy sembla auoir ouy la voix de Dieu en dormant, qui luy dist, Ie sauueray ton ame: c'est moy qui t'ay apparu par cy deuant. Depuis tous les matins sur les trois, ou quatre heures l'esprit frappoit à sa porte, and se leua quelquesfois ouurant la porte, and ne voyoit personne, and tous les matins l'esprit cõtinuoit, and s'il ne seleuoit, il frappoit derechef, and le reueilloit iusques à ce qu'il fust leué. Alors il commença d'auoir crainte, pensant que ce fust quelque maling esprit, comme il disoit: and pour ceste cause il continuoit de prier Dieu, sans faillir vn seul iour, que Dieu luy enuoyast son bon Ange, and chantoit souuent les Psalmes, qu'il sçauoit quasi tous par c ur. Or il m'a asseuré, que depuis tousiours il l'a accompagné, luy donnant vn signe sensible, comme le touchant tantost à l'oreille dextre, s'il faisoit queque chose qui ne fust bonne: and à l'oreille senestre s'il faisoit bien: and s'il venoit quelcun pour le tromper, and surprendre, il sentoit soudain le signal à l'oreille dextre, si c'estoit quelque hõme de bien, and qui vint pour son bien, il sentoit aussi le signal à l'oreille senestre. Et quand il vouloit boire ou manger chose qui fust ma auaise, il sentoit le signal: s'il doutoit aussi de faire ou entrepren dre quelque chose, le mesme signal luy aduenoit. S'il pensoit quelque chose mauuaise, and qu'il Page 74
s'y arrestast, il sentoit aussi tost le signal pour s'en destourner.
