chacun pour ses biens-faicts: and Misericorde, quand il fait plus de bien qu'on n'a merité, and punist plus doucement que l'on n'a deseruy: qui est l'vn des plus beaux secrets de la Saincte Escriture, and peut estre le moins entendu: Car Hieremie donne ces proprietez à Dieu auec grande exclamation. Et si Dieu auoit resolu, sans la priere de Moyse, faire mourir tout son peuple au desert, qui n'estoit pas moindre de dixhuict cens mil personnes pour s'estre inclinez deuãt vne image, and auoir à icelle presenté leurs sacrifices, chose deffenduë par la loy: and qu'il en fist mourir trois mil soudain, que meritent les Sorciers qui adorent Sathan and luy sacrifient? Et faut bie (02) dire que Wier est du tour delaissé de Dieu d'oser escrire chose si absurde qu'il faut pardonner à ceux qui opiniastrement blasphement Dieu, and luy font guerre sans trefues. Il valloit mieux que Wier dist ouuertement comme Agesilaus,2 lequel escriuant aux Iuges pour vn sien amy disoit, que s'il auroit bon droit qu'on luy gardast, and que s'il auoit tort, qu'il ne perdist pas pourtant sa cause, and en quelque sorte que ce fust, il vouloit à tort ou à droict qu'il gaignaist son procez. Ainsi faict Wier, lequel veut qu'on pardonne aux Sorciers, s'ils se repentent: and s'ils sont opiniastres: il veut qu'on leur pardonne afin que le corps and l'ame ne soit perdu. Par ce moyen il eft couplable de la peine des Sorciers, comme il est expressément porté par la3 Loy, Que celuy qui faict euader les Sorciers, doit souffrir la peine des Sorciers. Et en ce que Wier sur la fin s'eschauffe en sa peau, and par cholere appelle les Iuges bourreaux, il donne grande presomption, -notes- 2Plutar. in Apopbtegm. 3l.penult. de maleficis, C. Page 600
