Orate pro me fratres, il dist vn iour, Orate pro casti is Ecclesiæ, quia laborant in extremis, c'est à dire, priez pour l'armee Ecclesiastique qui est en danger extreme, and à l'instant mesme l'armee fut defaicte, qui estoit à vingt cinq lieuës de Perouse, où il disoit la Messe. Nous en lisons vne semblable en Philippes de Commines, d'vn Italien Archeuesque de Vienne, lequel disant la Messe deuant le Roy Louys vnziesme, le iour des Roys, à Sainct Martin de Tours, en luy donnant la paix à baifer, il luy dist, Pax tibi, Sire, vostre ennemy est mort: il se trouua qu'à l'heure mesme Charles Due de Bourgongne fut tué en Lorraine, deuant la paix de Nancy. Ie ne sçay si de ce temps la l'Italie produisoit des Prophetes autres qu'elle n'a fair depuis: Mais ie doute fort qu'il estoit du mestier de plusieurs autres de ce pays la, que Sathan à deputé vers quelques Princes, pour les infecter de ceste peste: Car Philippes de Commine recite plusieurs propos de ce bon Archeuesque qui ne ressentent rien que les effects d'vn vray Sorcier. Voyla pour respondre à Wier, en ce qu'il dict que e'est chose ridicule de commander par Sathan à ses suiets, qu'ils demembrent les Crucifix, qu'ils crachent contre terre, quand on mõstre l'Hostie, qu'ils ne prennent poinct d'eau beneiste. Il se mocque aussi d'vne Sorciere, à qui Sathan commanda de garder bien ses vieux souliers, pour vn preseruatif, and contre-charme contre les autres Sorciers. Ie dy que ce conseil de Sathan à double sens, les souliers signifient les pechez, comme estans tousiours trainnez par les ordures: Et quand Dieu dist à Moyse and à Iosué, oste tes souliers, ce Page 596
