Page:De la Démonomanie des Sorciers (1587).djvu/577

Scrutateur des pensees sans auoir esgard aux mines. C'est pourquoy Hieremie le Prophete sçachant que le peuple captif en Babylone estoit contrainct de s'agenouiller deuant les images de metal, de bois, and de pierre, il leur escrit ainsi: Quand vous verrez porter des images surles espaules pour les faire reuerer, vous direz en voz c urs, C'est à toy ô Dieu Eternel, à qui l'honneur appartient. Ainsi faisoyent plusieurs en la primitiue Eglise, qui assistoyent ou par force ou par craincte aux sacrifices des Payens, ou pour euiter au scandale qu'on ne les estimast Atheïstes, ores qu'ils fussent à genoulx deuant les images, ils prioyent Dieu neantmoins à ce qu'il luy pleust les garder de toute pollution and idolatrie, and qu'il print en gré la conscience and intention bonne tant d'eux que des pauures ignorans. Ie conclud donc que la volonté and intention d'vne part and d'autre est le fondement de toute action bonne ou mauuaise; en sorte que si la volonté controuient à ce que la raison iuge and croit estre bon, encores que la raison soit abusee, on offence Dieu. C'est la decision de Thomas d'Aquin5 au traicté qu'il a faict de Bonitate actus interioris voluntatis: où il dict ainsi, Quando ratio etrans ponit aliquid vt præceptum Dei, tunc idem est contemnere dictamen rationis, and Dei præceptum: suyuant Sainct Augustin4. C'est pourquoy Sathan cognoissant que Dieu regarde l'intention excusant tousiours la forca, la crainte, la iuste ignorance s'efforce, d'arracher non seulement la vraye Religion, ains aussi toute opinion de diuinité du c ur des hommes. Et faict tout ce qu'il -notes- 5Prima secundæ, q. 19. ad quintum. 4In lib. retractationum. Page 592