neantmoins il soustient, que cela n'aduient sinon aux pituiteux, and non point aux bilieux: ce que Iean Wier estant Medecin, ne pouuoit ignorer. Or nous auons monstré que les femmes ordinairement sont Demoniaques plustost que les hommes, and que les Sorcieres sont transportees souuent en corps, and souuent aussi rauies en ecstase, estant l'ame separee du corps, par moyens Diaboliques, demeurant le corps insensible, and stupide. Encores est il plus ridicule de dire, que la maladie des Sorcieres prouient de melancholie, veu que les maladies procedans de la melancholie, sont tousiours dangereuses6. Neantmoins on void des Sorciers, and qui ont faict ce mestier quarante, ou cinquante ans, and de l'aage de douze ans, comme Ieanne Haruillier, qui fut bruslee vifue le vingtneufiesme Auril mil cinq cens septante huict, and Magdaleine de la Croix, Abbesse de Cordouë en Espaigne, mil cinq cens quarante cinq, auoyent eu accointance ordinaire, and copulation auec le Diable, qui dura, quarante ans à l'vne, and trente a l'autre. Il faut donc que Wier confesse que c'est vne incongruité notable à luy qui est Medecin, and ignorance par trop grossiere: (mais ce n'est pas ignorance) d'attribuer aux femmes les maladies melancholiques, qui leur conuiennent aussi peu que les effects loüables de l'humeur melancholique temperé, qui rend l'homme sage, posé, contemplatif, (comme tous les anciens Philosophes and Medecins ont remarqué7) qui sont qualitez aussi peu compatibles auec la femme, que le feu auec l'eau. Et mesmes Salomon qui cognoissoit -notes- 6Gal. in lib. de atra bile. 7Aristot.in Proble sicti 30. princip. Page 545
