appellent les Anges les Pedagogues des hommes, comme les hommes sont bergers des animaux, ce que Platon3 ayant appris des Hebrieux, a dict qu'on ne baille pas la garde des cheures aux cheures, ny des bestes aux bestes, ains aux hommes, and la garde des hommes aux Anges. Nos, inquit, sicut oues mira diuinorum pastorum custodia semper egemus. Puis doncques que les Anges sont bons, and les Diables mauuais, aussi les hommes ont le franc arbitre pour estre bons, ou mauuais, comme Dieu dict en sa Loy4. I'ay, dit-il, mis deuant tes yeux le bien, and le mal, la vie and la mort, choisy dõc le bien, and tu viuras: Et encores plus expressement en autre5 lieu il est dict, Dieu ay ant creé l'homme l'a laissé en son franc arbitre, and luy a dict: Si tu veux tu garderas mes commandemens, and ils se garderont: Ie t'ay baillé le feu, and l'eau, tu as puissance de mettre la main à l'vn ou à l'autre: Tu as le bien and le mal, la vie and la mort, and auras lequel il te plaira. Et pour mõstrer qu'apres le peché d'Adam, l'homme n'a pas perdu le franc arbitre, le propos est inseré en la loy de Dieu, and mesmes il fust dict6 à Cain, qu'il auoit puissance de faire bien ou mal: Sur quoy Moyse Maymon dict, que tous les Hebrieux sont d'accord, que l'homme a le franc arbitre, and que cela n'est point reuoqué en doute, dequoy, dit-il, Dieu soit loué. Voyla ces mots.7 Et par ainsi la decision des Theologiens demeure veritable, que tous esprits sont bõns ou mauuais, and separez les vns des autres: ce que les Theologiens disent estre signifié par ces mots, que Dieu diuisa les eaux d'auec les eaux: and que les hommes font le moyen entre deux: -notes- 3In symposio Protagara, politico, Critia, and in legibua and in Epinomide. 4Deuter. 30. and Genes. 4. 5Eccl. 15. 6Genesis 4. 7Libro 3. [Hebrew omitted] Page 68
