dict Galen au liure de atra bile. Or les femmes naturellement sont froides and humides, comme dict le mesme autheur, and tous les Grecs, Latins, and Arabes s'accordant en ce point icy. Et pour ceste cause Galen4 dit aussi que l'homme estant d'vn temperament chaud, and sec, en region chaude and seiche, and en esté tombe en la maladie melancholique, and neantmoins Olaus le Grand Gaspar Peucerus, Saxo Grammaticus, and Wier mesmes est d'accord auec tous les Inquisiteurs des Sorciers d'Allemaigne que souz la region Arctique, ou la Mer glace, and en Allemaigne and aux Mons des Alpes, and de Sauoye tout est plein de Sorciers. Or il est certain que les peuples de Septentrion tiennent aussi peu de la melancholie, comme les peuples d'Afrique de la pituité. Car on voit tous les peuples de Septentrion blancs, les yeux vers, les cheueux blondz, and desliez, la face vermeille, ioyeux and babillards, chose du tout contraire à l'humeur melancholique. D'auantage Hippocrate au premier liure des maladies populaires, and Galen au mesme liure tiennent que les femmes generallement sont plus saines que les hommes, pour les flueurs menstruales, qui les garentissent de mille maladies. Iamais, dict Hippocrates, les femmes n'ont la goute ny vlceration des poulmons, dict Calen5, ny d'epilesies, ny d'apoplexies, ny de frenesies, ny de lethargies, ny de conuulsions, ny de tremblement tant qu'elles ont leurs fleurs, ou leurs menstruës, and fleurs. Et combien que Hippocrate6 dict que le mal caduc, and de ceux qui estoyent assiegez des Demons, qu'on appelloit maladie sacree, est naturelle: -notes- 4In lib. de atra lile. 5In libro de venæ sectione. 6In libro de Morbo sacro. Page 544
