que pour vn homme il y a cinquante femmes, comme il est dict au prouerbe6 Hebrieu plus de femmes, plus de Sorciers, c'est à dire [Hebrew omitted]. C'est pourquoy Pline8 dict que les femmes sont excellentes en Sorcelleries, c'est à dire, feminarum scientiam in veneficio præualere: ce qu'il n'entend pas poison, car il met pour exemple Circe, qui changeoit les hommes en bestcs, ce que toutes les poisons du monde ne sçauroyent faire. Ainsi Quintilian9 dict, que la presomption est plus grande que la femme soit Sorciere, que l'homme, and l'homme plustost voleur que la femme, Latrocinium in viro facilius, veneficium in f mina credam. Qu'on lise les liures de tous ceux qui ont escrit des Sorciers, il se trouuera cinquante femmes Sorcieres ou Demoniaques pour vn homme, comme i'ay remarqué cy deuant. I'excepteray seulement la compagnie des Sorciers mentionnez au procez d'Abel de la Ruë, qui tous estoient hommes, desquels les Diables font beaucoup plus d'estat que des femmes: qui ny vont que trop. Ce qui aduient non pas pour la fragilité du sexe à mon aduis: Car nous voyons vne opiniastreté indoutable en la plus part, and qu'elles sont bien fouuent plus constantes à souffrir la question que les hommes, comme il fut esprouué en la coniuration9 de Neron, and apres la mort d'Hippias Tyran d'Athenes, que les femmes se tranchoyent la langue pour oster toute esperance de tirer la verité. Et de plusieurs femmes martyres il y auroit plus d'apparence de dire, que c'est la force de la cupidité bestiale, qui a reduict la femme à l'extremité pour iouïr de ces appetits, -notes- 6In libro[Hebrew omitted] 8lib.25.c.11. 9In declimatio. 9Tacitus lib.
