poisons tous les peuples and Roys de la terre: veu qu'en tous pays il y a bonne prouision de poisons dequoy Pline se plaint. Mais il est bien notoire qu'ils estoient les premiers Sorciers, and Magiciens du monde, comme tous les Grecs and Latins demeurent d'accord, que pour ceste cause le mot de Chaldæus, signifie Sorcier, Deuin, Magicien, comme dict Hesichius [Greek omitted] and souuent en Ciceron5, and en noz Loix6, and en la Saincte Escriture7, and quand il est dict au liure des Roys que des Sorcelleries de Iesabel Royne de Samarie la terre estoit infectee, on lict le mesme mot de [Hebrew omitted] qui ne peut signifier poisons. Car elle fist tuer les Prophetes de Dieu, qu'elle hayoit à mort, and Nabot à force ouuerte, and non pas par poisons: and depuis que ceste Sorciere la eut attiré les Sorciers en Samarie, comme la Royne Medee en Thessalie, six cens ans apres la Samarie demeura tousiours infectee de ceste peste, tellement qu'on disoit en prouerbe, Tu es Samaritain, tu as vn Diable familier: Ce qui fut dict à Iesus-Christ7 par ses ennemis en le calomniant, and de ce pays-là mesmes estoit Symon surnommé le Sorcier ou Magicien, maistre de Menander. Mais Wier calomniant c'est article de la Loy de Dieu (que la Sorciere8 meure soudain) n'a pas pris garde pourquoy la Loy n'a pas dict Sorcier: Car ce n'est pas pour espargner les Sorciers, ny les Medecins, and Apothecaires, s'ils empoisonnent, and qui s'entendent beaucoup mieux aux poisons, que non pas les femmes: Mais la Loy de Dieu à voulu monstrer, que les hommes sont moins infectez de ceste maladie, and -notes- 5In diuina. 6l. nemo, de maleficis and Maibematicis. C. Daniel.c. 2. and Iesa. ca. 7Lib.3.c.18. 7Iean. 8. 8Exod. 22. Page 540
