Page:De la Démonomanie des Sorciers (1587).djvu/514

toutes les impietez, qu'õ peut imaginer. Fernel2 dit auoir veu vn Sorcier, lequel en disãt des oraisons and mots sacrés auec des mots barbares, faisoit voir en vn mirouer ce qu'il vouloit. Ce que dict aussi Origene, and l'interprete Grec4 de Synesius. Or on peut dire de Wier, and de telles gens, ce que dict Dionysius, ad Sosipatrum parlant d'Apolophanes, Diuinis aduersus Deum nefariè vtitur. Cõme aussi Wier confesse auoir transcrit la Stenographie de Iean Triteme qu'il trouua en l'estude de son maistre Agrippa, laquelle est toute pleine d'oraisons, and d'inuocations de diables, and l'vn des plus detestables liures du monde, cõme aussi a escrit Carolus Bouillus. Nous lisõs3 qu'vn ieune homme nomméLollianus fut banny, and ses bie (02) s confisquez pour auoir transcrit vn liure de Magie, and qu'elle peine merite celuy qui la soustient, voire qui l'enseigne par dits and par escrits. Il ne faut pas donc s'arrester quand Wier parle de Dieu, puis qu'on void de si horribles blasphemes en ces liures. Car tout ainsi qu'il n'y a poison plus dangereuse, que celle qui est coulee auec le succre, ou sauces appetissantes, d'autant qu'elle est auallee plus euide (02) ment, and plus difficileme (02) t se vomist: aussi n'y a il impieté plus grande que celle qui est couuerte du voile de pieté. I'ay dict cy deuant, que Sathan à des Sorciers de toutes qualitez. Il a eu autres fois plusieurs Papes, comme escrit le Cardinal Benon, Naucler, and Platin: Il a des Roys, des Princes, des Prestres, des Prescheurs, en plusieurs lieux des iuges, des medecins, briefil en a de tous mestiers. Mais il n'a point de meilleurs subiets à son gré, que ceux qui font -notes- 2l.1. de abditis rer. causis. 4in lib. [Greek omitted] 3Nicephorus Calistus li. 10. Page 529