Dieu parle en sa loy4 disant, qu'il a arraché les peuples de la terre pour telles abominatiõs: ains encores ils les consacrent à Sathan dés le ventre de la mere, comme le Baron de Raiz, auquel Sathan dist, qu'il falloit luy sacrifier son fils estant encores au ventre de la mere, pour faire mourir l'vn and l'autre: cõme il s'efforcea de faire, s'il n'eust esté preuenu, ainsi qu'il recogneust and confessa: qui est vn double parricide auec la plus abominable idolatrie, qu'on peut imaginer.G1 Le septiesme and le plus ordinaire est, que les Sorciers font serment, and promettent au Diable d'attirer à son seruice tous ceux qu'ils pourront, comme ils font ordinairement, ainsi que nous auons monstré si dessus. Or la loy5 de Dieu dict que cestuy-là qui est ainsi appellé doit faire lapider celuy qui l'a voulu desbaucher.G2 Le huictiesme crime est, d'appeller and iurer par le nom du diable en signe d'honneur, comme font les Sorciers qui l'ont tousiours en la bouche, and ne iurent que par luy, sinon quand ils renient Dieu, ce qui est disertement contre la loy de Dieu qui defend de iurer par autre que par le nom6 de Dieu. Ce que l'escriture dict, donne gloire à Dieu: ainsi disoient les iuges en prenant le serment des parties ou des tesmoins: dõne gloire à Dieu.G3 Et le neufiesme est, que les Sorciers sont incestueux, qui est le crime de toute ancienneté, duquel les Sorciers sont blasmez and conuaincus. Car Sathan leur faict entendre qu'il n'y eut onques parfaict Sorcier, and enchãteur qui ne fut engendré du pere and de la fille, ou de la mere and du fils. Et a ce propos disoit Catulle. -notes- 4Deater.18. G1Sepsiesune crime. 5Deut.13. G2Le 8.crime. 6Hier.5. and 12. G3Neusiesune crime. Page 488
